Masood InsightMasood Insight

اسلام ‘ اسلام کا مقصد ‘ اسلام کے علم کا ذریعہ ‘ اسلام کے علم کے مراحل ‘ اسلام کی تعلیمات کے مراحل

اسلام ‘ اسلام کا مقصد ‘ اسلام کے علم کا ذریعہ ‘ اسلام کے علم کے مراحل ‘ اسلام کی تعلیمات کے مراحل 🟩

تحریر : ڈاکٹر مسعود طارق

تاریخ: 8 دسمبر 2024

🟩1️⃣ اسلام کیا ھے؟

اللہ کے دین کا نام اسلام ھے۔

🟩2️⃣ اسلام کا مقصد کیا ھے؟

اسلام کا مقصد دین کی تعلیمات پر عمل کرکے؛

🏄‍♂️1️⃣ اپنے جسم کے عمل صالح کرکے

🌚2️⃣ نفس کی خواھشات حسنات والی کرکے

❤3️⃣ قلب کے خیالات حق والے بناکر

اپنی دنیا اور آخرت سنوارنا ھے۔

🟩3️⃣ اسلام کے علم کا ذریعہ کیا ھے؟

اسلام کے علم کا ذریعہ قرآن ھے۔ قرآن کی ھدایت؛

👈1️⃣ انسانوں کے لیے “بیان” ھے۔

👈2️⃣ ایمان لانے والوں کے لیے “شفا” ھے۔

👈3️⃣ متقیوں کے لیے “عبرت” ھے۔

👈4️⃣ محسنین کے لیے “رحمت” ھے۔

👈5️⃣ مومنین کے لیے “بشارت” ھے۔

🟩4️⃣ اسلام کے علم کے مراحل کیا ھیں؟

اسلام کے علم کے 5️⃣ مراحل ھیں۔

👈1️⃣ اسلام کے علم کا پہلا مرحلہ

(اسلام کے علم کی پرائمری اسٹیج)

قرآن پڑھ کرحق کو باطل سے الگ کرنے کے “بیان” کو سمجھ کر اللہ پر ‘ آخرت پر ‘ فرشتوں پر ‘ کتابیوں پر ‘ نبیوں پر ایمان لاکر “اسلام میں داخل” ھوا جاتا ھے۔

👈2️⃣ اسلام کے علم کا دوسرا مرحلہ

(اسلام کے علم کی سیکنڈری اسٹیج)

پھر اپنے رسول کی شریعت کے مطابق دین کی تعلیمات پر عمل کرکے اپنے “جسم کے عمل صالح” کیے جاتے ھیں۔

شریعت اسلامی قانون یا اسلامی فقہ ھے۔ جو کہ قرآن مجید میں نازل ھوا ھے۔ یہ تصوف کا پہلا قدم ھے۔

👈3️⃣ اسلام کے علم کا تیسرا مرحلہ

(اسلام کے علم کی گریجویٹ اسٹیج)

پھر طریقت کا علم حاصل کرکے اپنی “نفس کی خواھشات حسنات والی” کی جاتی ھیں۔

عربی زبان میں طریقہ کا مطلب راستہ ھے اور یہ صوفی اخوت یا سلسلہ یا ترتیب کو ظاھر کرتا ھے۔ یہ تصوف کا دوسرا مرحلہ ھے۔

👈4️⃣ اسلام کے علم کا چوتھا مرحلہ

(اسلام کے علم کی ماسٹر اسٹیج)

پھر حقیقت کا علم حاصل کرکے اپنے “قلب کے خیالات حق والے” کیے جاتے ھیں۔

حقیقہ کی بہتر تعبیر اس علم کے طور پر کی جاسکتی ھے۔ جو اللہ کی طرف رجوع کرنے سے حاصل ھوتا ھے۔ یہ تصوف کا تیسرا مرحلہ ھے۔

👈5️⃣ اسلام کے علم کا پانچواں مرحلہ

(اسلام کے علم کی پی ایچ ڈی اسٹیج)

پھر معرفت کا علم حاصل کرکے روح کی تحریکات سے آگاھی حاصل کرکے امر ربی کو سمجھ کر “صراط مستقیم” پر چلا جاتا ھے۔

معرفت کی اصطلاح صوفی مسلمان روح کی تحریکات کو سمجھنے کے علم کے لیے استعمال کرتے ھیں۔ جوکہ عقلی طور پر حاصل کیے جانے کے بجائے روحانی تجربات سے حاصل ھوتا ھے۔ یہ تصوف کا چوتھا مرحلہ ھے۔

🟩5️⃣ اسلام کی تعلیمات کے مراحل کیا ھیں؟

اسلام کی تعلیمات کے 5️⃣ مراحل ھیں۔

👈1️⃣ اسلام کی تعلیم کی پرائمری اسٹیج

1️⃣ اللہ پر

2️⃣ آخرت پر

3️⃣ فرشتوں پر

4️⃣ کتابیوں پر

5️⃣ نبیوں پر

ایمان لائے بغیر اسلام میں داخل نہیں ھوا جاسکتا۔

اسلام میں داخل ھونا “ایمان لانے والوں” کا مقام ھے۔

قرآن کی ھدایت ان لوگوں کے لیے جو ایمان لاتے ھیں صرف “بیان” نہیں رھتی بلکہ “شفا” بھی بن جاتی ھے۔ اس لیے “شریعت” کے مرحلے سے آگاھی ھونے لگتی ھے۔

👈2️⃣ اسلام کی تعلیم کی سیکنڈری اسٹیج

شریعت کا علم حاصل کیے بغیر جسم کو سوء العمل سے بچایا نہیں جاسکتا اور صالح عمل کیے نہیں جاسکتے۔

صالح عمل کرنا “متقیوں” کا مقام ھے۔

“ایمان لانے والوں” کا مقام حاصل کرنے کے بعد؛

1️⃣ اللہ کی محبت میں قربت والے لوگوں کو اور یتیموں کو اور مسکینوں کو اور مسافروں کو مال دینے۔

2️⃣ مانگنے والوں پر اور گردنوں کے چھڑانے میں خرچ کرنے۔

3️⃣ صلاۃ قائم کرنے اور زکوٰۃ دینے۔

4️⃣ جب عہد کرلیا جائے تو اس کو پورا کرنے۔

5️⃣ تنگدستی میں اور جسمانی تکلیف میں اور معرکہ کارزار کے وقت صبر کرنے۔

سے “متقیوں” کا مقام حاصل ھوتا ھے۔

قرآن کی ھدایت “متقیوں” کے لیے صرف “بیان” اور “شفا” نہیں رھتی بلکہ “عبرت” بھی بن جاتی ھے۔ اس لیے “طریقت” کے مرحلے سے آگاھی ھونے لگتی ھے۔

👈3️⃣ اسلام کی تعلیم کی گریجویٹ اسٹیج

طریقت کا علم حاصل کیے بغیر نفس کو سیات والی خواھشات سے بچایا نہیں جاسکتا اور حسنات والی خواھشات پر عمل کیا نہیں جاسکتا۔

حسنات والی خواھشات پر عمل کرنا “محسنین” کا مقام ھے۔

“متقیوں” کا مقام حاصل کرنے کے بعد؛

0️⃣1️⃣ ھر عبادت کے مقام پر اپنی زینت سے آراستہ رھنے اور کھانے اور پینے لیکن اسراف نہ کرنے۔

0️⃣2️⃣ تمام فحش کاموں سے خواہ ظاھر ھوں یا پوشیدہ ھوں بچنے۔

0️⃣3️⃣ گناہ کرنے سے بچنے۔

0️⃣4️⃣ حق کے بغیر زیادتی کرنے سے بچنے۔

0️⃣5️⃣ ان کو الله کا شریک نہ بنانے جس کی اللہ نے کوئی سند نازل نہیں کی۔

0️⃣6️⃣ الله کے بارے میں ایسی باتیں نہ کہنے جن کا کچھ علم نہ ھو۔

0️⃣7️⃣ اپنی اولاد کو مفلسی کے ڈر سے قتل نہ کرنے۔

0️⃣8️⃣ زنا کے قریب نہ جانے۔

0️⃣9️⃣ اس نفس کو قتل نہ کرنے جس کو قتل کرنا اللہ نے حرام کیا ھے۔

1️⃣0️⃣ یتیم کے مال کے قریب بھی نہ جانے مگر ایسے طریقے سے کہ جو احسن ھو۔

1️⃣1️⃣ جب کوئی چیز ناپ کر دینی ھو تو پیمانہ پورا بھرنے اور جب تول کر دینی ھو تو ترازو سیدھی رکھنے۔

1️⃣2️⃣ ایسی بات کے پیچھے نہ لگنے کہ جس کا علم نہ ھو۔

1️⃣3️⃣ زمین پر اکڑ کر نہ چلنے۔

کیونکہ یہ سب سَيٍّئُه ھیں جو اللہ کے نزدیک بہت ناپسندیدہ ھیں۔

1️⃣4️⃣ زمین میں اس کی اصلاح کے بعد فساد برپا نہ کرنے۔

1️⃣5️⃣ صبر کرنے۔

1️⃣6️⃣ صبر پر قائم رھنے۔

1️⃣7️⃣ آپس میں رابطہ رکھنے۔

1️⃣8️⃣ الله سے ڈرتے رھنے۔

1️⃣9️⃣ اللہ کی خاطر جدوجہد کرتے رھنے۔

2️⃣0️⃣ خوف اور امید کے ساتھ اللہ سے دعائیں مانگتے رھنے۔

سے “محسنین” کا مقام حاصل ھوتا ھے۔

قرآن کی ھدایت “محسنین” کے لیے صرف “بیان” اور “شفا” اور “عبرت” نہیں رھتی بلکہ “رحمت” بھی بن جاتی ھے۔ اس لیے “حقیقت” کے مرحلے سے آگاھی ھونے لگتی ھے۔

👈4️⃣ اسلام کی تعلیم کی ماسٹر اسٹیج

حقیقت کا علم حاصل کیے بغیر قلب کو باطل خیالات سے بچایا نہیں جاسکتا اور حق والے خیالات کی طرف متوجہ نہیں کیا جاسکتا۔ حق والے خیالات کی طرف متوجہ ھونا “مومنین” کا مقام ھے۔

“محسنین” کا مقام حاصل کرنے کے بعد؛

0️⃣1️⃣ جب الله کا ذکر کیا جائے تو دل لرز جانے۔

0️⃣2️⃣ اللہ کی آیات پڑھی جائیں تو ایمان مزید بڑھ جانے۔

0️⃣3️⃣ اللہ پر توکل رکھنے۔

0️⃣4️⃣ صلاۃ قائم کرنے۔

0️⃣5️⃣ جو رزق اللہ نے دیا ھے اس میں سے خرچ کرنے۔

0️⃣6️⃣ الله کی راہ میں اپنے مال سے اور اپنے نفس سے جدوجہد کرنے۔

0️⃣7️⃣ اللہ کی راہ میں جدوجہد کرنے والوں کو پناہ دینے اور ان کی مدد کرنے۔

0️⃣8️⃣ ھجرت کرنے۔

0️⃣9️⃣ آخرت کا ارادہ رکھنے اور آخرت کے لیے بھاگ دوڑ کرنے جو بھاگ دوڑ آخرت کے لیے ضروری ھے۔

1️⃣0️⃣ اپنے نفس پر نبی کو زیادہ حق دار رکھنے اور نبی کی بیویوں کو اپنی مائیں سمجھنے۔

1️⃣1️⃣ مومنوں اور مہاجروں کی نسبت خونی رشتہ داروں کو آپس میں زیادہ حق دار سمجھنے سوائے اس کے کہ اپنے سرپرستوں کے ساتھ کوئی معروف فعل کرنا ھو۔

1️⃣2️⃣ آپس کے تعلقات درست کرنے۔

1️⃣3️⃣ الله کی اور اس کے رسول کی اطاعت کرنے۔

1️⃣4️⃣ دِينًا قِيَمًا مِّلَّةَ إِبْرَاهِيمَ حَنِيفًا پر قائم رھنے۔

1️⃣5️⃣ اپنی صلاۃ اور اپنی قربانی اور اپنی حیاتی اور اپنی موت اللہ کے لیے رکھنے۔

1️⃣6️⃣ الله سے ڈرنے۔

1️⃣7️⃣ ھر چیز کا رب اللہ کو سمجھنے۔

1️⃣8️⃣ اس پر یقین رکھنے کہ الله وہ ھے کہ نہیں ھے کوئی معبود سوائے اس کے اور مومنوں کو الله پر ھی توکل کرنا چاھیے۔

1️⃣9️⃣ جو الله نے اپنے فضل سے عطا کیا ھے اس پر خوش رھنے۔

2️⃣0️⃣ نہ کوئی خوف کرنے اور نہ غمگین ھونے۔

2️⃣1️⃣ الله کی طرف سے دی گئی نعمتوں اور اس کے فضل سے مطمئن رھنے۔

2️⃣2️⃣ تکلیفیں اٹھاکر اور مصیبتیں برداشت کرکے بھی الله اور رسول کے حکم کو قبول کرتے ھوئے احسن کام کرنے اور تقویٰ اختیار کرنے۔

سے “مومنین” کا مقام حاصل ھوتا ھے۔

قرآن کی ھدایت “مومنین” کے لیے صرف “بیان” اور “شفا” اور “عبرت” اور “رحمت” نہیں رھتی بلکہ “بشارت” بھی بن جاتی ھے۔ اس لیے “معرفت” کے مرحلے سے آگاھی ھونے لگتی ھے۔

👈5️⃣ اسلام کی تعلیم کی پی ایچ ڈی اسٹیج

معرفت کا علم حاصل کیے بغیر صراط الجھیم سے بچا نہیں جاسکتا اور صراط مستقیم پر چلا نہیں جاسکتا۔ صراط مستقیم پر چلنا “مقربین” کا مقام ھے۔

“مومنین” کا مقام حاصل کرنے کے بعد وہ لوگ جنہوں نے الله کو مضبوطی سے پکڑے رکھا تو ان کو وہ اپنی رحمت اور فضل میں داخل کرے گا اور ان کی صِرَاطًا مُّسْتَقِيم کی طرف رھنمائی کرے گا۔

اللہ ھی نے واضح آیات نازل کیں ھیں اور الله ھی جسے چاھتا ھے صِرَاطٍ مُّسْتَقِيم کی طرف ھدایت دیتا ھے۔

تمہارے پاس الله کی طرف سے نور اور كِتَابٌ مُّبِين آگئی ھے۔ اس کے ذریعے سے الله اس کو ھدایت دیتا ھے جو سلامتی کی راھوں کے لیے اس کی رضا کی پیروی کرتا ھے اور ان کو اپنی اجازت سے ظلمات سے نور کی طرف نکالتا ھے اور ان کو صِرَاطٍ مُّسْتَقِيم کی طرف ھدایت دیتا ھے۔

اللہ نے ھدایت کی تھی کہ شیطان کی عبادت نہ کرنا وہ تمہارا کھلا دشمن ھے اور اللہ کی ھی عبادت کرنا۔ یہی صِرَاطٌ مُّسْتَقِيم ھے۔

ابلیس نے اللہ سے کہا تھا کہ چونکہ تونے مجھے دھتکارا ھے تو میں تیرے الْمُسْتَقِيم راستے پر ان کے لیے ضرور گھات لگاتا رھوں گا۔ میں ضرور ان کے لیے زمین میں زیبائش پیدا کروں گا اور ان سب کو ضرور بہکاؤں گا۔ سوائے تیرے ان بندوں کے جو الْمُخْلَصِين ھیں۔ الله نے فرمایا تھا کہ یہی ھے مجھ تک پہنچنے کا مُسْتَقِيم راستہ۔

اللہ نے کہا کہ ھم نے تم میں سے ھر ایک کے لیے ایک شریعت اور ایک طریقہء کار بنا دیا ھے۔ اگر الله چاھتا تو تم کو ایک ھی اُمّت بنا دیتا لیکن چونکہ اس نے جو تمہیں دیا ھے اس سے تمہاری آزمائش کرنی ھے سو الخَيْرَات میں سبقت لے جاؤ۔ سبقت لے جانے والے تو سبقت لے جانے والے ھیں۔ یہی تو “مقرب” ھیں۔ ھم نے انہیں اپنے پاس سے رحمت دی اور علم لدنی میں سے علم عطا کیا۔

Leave a Reply

Your email address will not be published. Required fields are marked *

- Sponsored Ad -